Пад Менскам адбылася сур'ёзная аварыя з удзелам маршруткі і таксі
5- 17.06.2019, 10:05
- 16,275
Ёсць загінулы.
На трасе Р28 Менск - Маладзечна - Нарач адбылася сур'ёзная аварыя з удзелам маршруткі і таксі. Пра гэта tut.by паведамілі чытачы.
Здарэнне адбылося раніцай 17 чэрвеня паблізу аграгарадка Лоша. Як распавялі відавочцы, маршрутка на прыпынку забірала пасажыра, калі ў яе на поўным ходзе рэзнулася таксоўка.
Паводле папярэдняй інфармацыі, у ДТЗ загінуў пасажыр легкавіка.
На месца здарэння прыбыла хуткая, выратавальнікі, супрацоўнікі ДАІ. Працуе следча-аператыўная група.
Прычыны і абставіны аварыі высвятляюцца.