На лікёра-гарэлачным заводзе ў Іванаўскім раёне ад спёкі выбухнула бочка са спіртам

У момант здарэння ў памяшканні праводзіліся зварачныя працы.

Днём 15 чэрвеня на лікёра-гарэлачным заводзе ў вёсцы Бродніца Іванаўскага раёна адбыўся выбух пароў спірту, паведамляе МНС.

Выбух адбыўся ў пустой металічнай ёмістасці аб'ёмам 1,5 кубаметру на чацвёртым паверсе будынка ў брагарэктыфікацыйным цэху. У момант здарэння там праводзіліся зварачныя работы для замены цеплаабменніка, унутры знаходзіліся трое работнікаў. Яны не пацярпелі.

Прычыны здарэння высвятляецца. Паводле адной з версій, бочка, якая стаяла за паўтары метры ад акна, выбухнула ў выніку нагрэву ад прамых сонечных прамянёў.