Гішпанія далучылася да Францыі і Нямеччыны ў праекце новага знішчальніка
- 17.06.2019, 18:03
- 9,269
Тры краіны створаць знішчальнік новага пакалення для абароны Еўропы.
Гішпанія далучылася да франка-нямецкага праекта ў стварэнні знішчальніка новага пакалення, каб Еўропа магла абараніць сябе, не спадзяючыся на іншых хаўруснікаў.
Пра гэта паведамляе "Европейская правда" са спасылкай на Reuters.
Кампаніі Dassault Aviation і Airbus пабудуюць вайсковы самалёт, які, як чакаецца, будзе ўведзены ў эксплуатацыю з 2040 года, з мэтай замены французскіх знішчальнікаў Rafale і нямецкіх Eurofighter.
VIDEO: A full-scale model of the Future Combat Air System (#FCAS) jet is unveiled at the #ParisAirShow in front of the defence ministers of France, Germany and Spain and French President Emmanuel Macron. #ParisAirShow2019 pic.twitter.com/x3XRWGmfMV
— AFP news agency (@AFP) June 17, 2019
Міністры абароны Францыі, Нямеччыны і Гішпаніі падпісалі пагадненне аб стварэнні трохбаковых рамак супрацоўніцтва на авіясалоне ў Парыжы. Там жа быў паказаны макет будучага самалёта, а цырымонію падпісання наведаў прэзідэнт Францыі Эмануэль Макрон.
Французскія Safran і нямецкія MTU Aero Engines будуць сумесна распрацоўваць рухавік новага вайсковага самалёта.
Dassault і Airbus прадставілі сумесную прамысловую прапанову ўрадаў Францыі і Нямеччыны.
Французскі і нямецкі ўрад разлічваюць інвеставаць першыя 4 мільярды еўра ў баявы самалёт да 2025 года, Францыя, як лідар праекту, унясе 2,5 мільярда еўраў.
Еўрапейскі праект сутыкнецца з канкурэнцыяй з боку Вялікабрытаніі, якая летась запусцілі ўласныя планы ў стварэнні новага баявога знішчальніка, які атрымаў назву «Бура».