Азербайджанскі газ дасягнуў Еўропы ў абыход Расеі

Гэта падзея адбылася ў Дзень нацыянальнага выратавання азербайджанскага народа.

15 чэрвеня газ з азербайджанскага радовішча Шах-Дэніз дасягнуў мяжы з Еўропай па Трансанаталійскаму газаправодзе (TANAP). Пра гэта 16 чэрвеня паведаміла дзяржнафтакампанія Азербайджана SOCAR.

У кампаніі падкрэслілі, што гэта падзея адбылася ў Дзень нацыянальнага выратавання азербайджанскага народа.

Цырымонія ўводу ў строй часткі газаправода TANAP да Турцыі адбылася 12 чэрвеня 2018 года.

Агульная працягласць Трансанаталійскага газаправода - 1850 км. Ён праходзіць праз Грузію. Прапускная здольнасць TANAP павінна скласці мінімум 16 млрд м³, з якіх 10 млрд м³ будзе накіроўвацца ў Еўропу, а 6 млрд м³ - у заходнія рэгіёны Турцыі.