Трамп заявіў пра высылку мільёнаў мігрантаў з ЗША
17- 18.06.2019, 10:53
- 18,446
ФОТА: REUTERS
Міграцыйная служба ЗША прыступіць да высылкі на наступным тыдні.
На наступным тыдні Бюро кантролю і захавання міграцыйнага і мытнага заканадаўства ЗША (ICE) прыступіць да масавай высылкі з краіны нелегальных мігрантаў. Пра гэта ў панядзелак, 17 чэрвеня, паведаміў прэзідэнт ЗША Дональд Трамп на сваёй старонцы ў Twitter, паведамляе dw.com.
"Яны выедуць з краіны гэтак жа хутка, як яны сюды заехалі", - паабяцаў кіраўнік Белага дома.
Next week ICE will begin the process of removing the millions of illegal aliens who have illicitly found their way into the United States. They will be removed as fast as they come in. Mexico, using their strong immigration laws, is doing a very good job of stopping people.......
— Donald J. Trump (@realDonaldTrump) 18 июня 2019 г.
У тым жа твіты Трамп паведаміў, што Гватэмала рыхтуецца падпісаць пагадненне аб пераходзе ў групу "бяспечных трэціх дзяржаў". Гэты статус дазволіць Гватэмале прымаць уцекачоў з Гандураса, Сальвадора ды іншых краін Цэнтральнай Амерыкі.
У сваю чаргу, праваабаронцы з амерыканскай арганізацыі "Human Rights First" ("Правы чалавека перш за ўсё". - Рэд.) назвалі "смехатворнай" заяву ЗША аб тым, што Гватэмала, грамадзяне якой вымушаны пакідаць радзіму праз гвалт і беднасць, у стане даць абарону ўцекачам.
Далей Трамп пахваліў Мексіку за тое, што гэтая краіна "пры дапамозе моцных міграцыйных законаў праводзіць вельмі добрую працу, спыняючы людзей, яшчэ да таго як яны дасягнуць паўднёвай мяжы".
У канцы траўня Трамп прыстрашыў абкласці ўсе мексіканскія тавары падвышанымі мытамі, у выпадку калі Мехіка "не распачне дзейсных намаганняў супраць нелегальнай міграцыі".
Пасля двухбаковых перамоў, якія адбыліся ў пачатку чэрвеня, Мексіка абавязалася прыняць "беспрэцэдэнтныя меры" для барацьбы з нелегальнай міграцыяй, задзейнічаўшы для гэтага Нацыянальную гвардыю, якая будзе асабліва кантроляваць паўднёвую мяжу.
Па выніках гэтых перамоў Трамп заявіў, што ЗША адкладаюць увядзенне мытаў на нявызначаны тэрмін. Абмежаванне плыні нелегальнай мігрантаў, якія ўязджаюць у ЗША праз Мексіку, было адным з ключавых перадвыбарных абяцанняў Трампа. Адна з мер, якія ён абяцаў прыняць у гэтай сувязі, - узвядзенне ахоўнай сцяны на мяжы з Мексікай.
