Палонны ўкраінскі марак аб магчымым вяртанні Расеі ў ПАРЕ: Гэта ўвогуле нармальна?

Капітана Дзяніса Грыцэнку здзівіла навіна аб магчымасці зняцця з расейскай дэлегацыі санкцый.

У Маскве адбыліся следчыя дзеянні ў дачыненні да чарговага ваеннапалоннага ўкраінскага капітана другога рангу з катэра «Бярдзянск» Дзяніса Грыцэнкі, піша "Сегодня".

Як паведаміў на сваёй старонцы ў Facebook каардынатар абароны 24 палонных Мікалай Полазаў, Грыцэнка «не паведаміў нічога новага, акрамя звестак, прадугледжаных артыкулам 17 III Жэнеўскай канвенцыі».

Адвакат марака далучыў копію загаду Міжнароднага трыбунала ААН у марскім праве ад 2019.05.25, згодна з якім улады Расейскай Федэрацыі абавязаныя неадкладна вызваліць 24 украінскіх маракоў, вярнуць захопленыя караблі і да 25 чэрвеня 2019 года падаць справаздачу аб выкананні загаду.

Грыцэнка распавёў, што паўтары тыдні таму яго перавялі ў камеру ў корпусе, дзе няма гарачай вады, а таксама што лісты прыходзяць з вельмі вялікай затрымкай.

Полазаў перадаў мараку апошнія навіны - аб сустрэчы сваякоў ваеннапалонных з прэзідэнтам Уладзімірам Зяленскім і пра паездку апошняга ў Францыю, прэзідэнт якой Эмануэль Макрон зрабіў заяву ў падтрымку палонных маракоў.

«Гаварылі і аб будучай сесіі ПАРЕ. Дзяніс быў вельмі здзіўлены інфармацыяй аб будучым галасаванні што да рэзалюцыі аб вяртанні права голасу расейскай дэлегацыі. Быццам бы ў студзені ПАРЕ прыняла рэзалюцыю аб неадкладным вызваленні ўкраінскіх вайсковых маракоў, улады Расеі так нічога дагэтуль і не зрабілі для яе выканання і тут жа іншая рэзалюцыя аб вяртанні расейскай дэлегацыі. Гэта ўвогуле нармальна? Так у ПАРЕ прынята?» - задаецца рытарычным пытаннем Полазаў.