Супрацоўніцы «БЕЛМАШа» дамагліся магчымасці працаваць ля станка ў купальніках праз спякоту
40- 18.06.2019, 17:49
- 42,871
Правіла дзейнічае, калі тэмпература паветра перавышае 27 градусаў.
На беларускім прадпрыемстве «БЕЛМАШ» супрацоўніцам дазволілі працаваць ля станка ў купальніках. Прычынай таму стала анамальная спёка ў пачатку чэрвеня на тэрыторыі Беларусі, якая паўплывала на прадукцыйнасць працы.
На патрабаванне жаночай паловы калектыву кіраўніцтва кампаніі абнавіла правілы дрэс-кода для гэтай катэгорыі супрацоўнікаў на тэрыторыі прадпрыемства. Цяпер тут можна сустрэць дзяўчат, якія тэстуюць прадукцыю кампаніі - дрэваапрацоўчыя станкі, у купальніках, піша telegraf.by.
Згодна з новымі правіламі, тэсціроўшчыцы абсталявання могуць быць адзетыя ў купальнік або прыгожую бялізну, якія не замінаюць асноўнаму тыпу дзейнасці. Для абароны выкарыстоўваюцца фартух, акуляры і пальчаткі. Правіла дзейнічае толькі ў тых выпадках, калі тэмпература паветра перавышае 27 градусаў па Цэльсіі.