У Кіеве загінуў народны дэпутат Дзмітрый Тымчук
- 19.06.2019, 13:27
- 32,520
Каардынатара групы «Інфармацыйны супраціў» знайшлі з агнястрэльнай ранай у галаве.
19 чэрвеня ў Кіеве загінуў народны дэпутат ад «Народнага фронту», каардынатар групы «Інфармацыйны супраціў» Дзмітрый Тымчук. Пра гэта выданню gordonua.com паведаміла ўласная крыніца.
«Дзмітрый Тымчук загінуў. 40 хвілін таму. Чысціў дома зброю і застрэліўся з неасцярожнасці», - сказаў суразмоўца.
Народны дэпутат Украіны Антон Герашчанка пацвердзіў факт гібелі Дзмітрыя Тымчука.
«Час назад, у сябе дома падчас чысткі пісталета-узнагароды нанёс сабе смяротную рану патрыёт Украіны і мой сябар Дзмітрый Тымчук. На месцы трагедыі працуе следча аператыўная група.
Вечная памяць шчыраму і светламу чалавеку. Нам усім цябе будзе вельмі не ставаць», - напісаў Антон Герашчанка ў Twitter.
Час назад, у себя дома при чистке наградного пистолета нанёс себе смертельное ранение патриот Украины и мой друг Дмитрий Тымчук.
— Антон Геращенко (@Gerashchenko7) 19 июня 2019 г.
На месте трагедии работает следственно оперативная группа.
Вечная память искреннему и светлому человеку.
Нам всем тебя будет очень не хватать ...
Дзмітрый Тымчук нарадзіўся 27 чэрвеня 1972 году. Ён праходзіў службу ў войсках супрацьпаветранай абароны, працаваў у штабе Нацыянальнай гвардыі і ў розных падраздзяленнях Міністэрства абароны. У 2014 годзе быў абраны народным дэпутатам ад партыі «Народны фронт». Палітык стаў вядомы дзякуючы дэталёваму асвятленню анэксіі Крыма і збройнага канфлікту на ўсходзе Украіны.