Зяленскі прызначыў перамоўшчыкаў у Менску
14- 19.06.2019, 17:59
- 15,392
Прэзідэнт Украіны падпісаў адпаведны ўказ.
Прэзідэнт Украіны Уладзімір Зяленскі прызначыў чатырох упаўнаважаных прадстаўнікоў Украіны ў рабочых падгрупах Трохбаковай кантактнай групы аб мірным ўрэгуляванні сітуацыі ў асобных раёнах Данецкай і Луганскай абласцей.
Пра гэта гаворыцца ва ўказе ад 19 чэрвеня, апублікаваным на сайце кіраўніка ўкраінскай дзяржавы, піша korrespondent.net.
Прадстаўляць Украіну ў рабочай падгрупе ТКГ аб пытаннях бяспекі будзе Багдан Бондар; Ігар Верамей будзе ўпаўнаважаным у рабочай падгрупе ў сацыяльна-эканамічных пытаннях, Валерыя Луткоўская прызначаная ў рабочую падгрупу аб гуманітарных пытаннях, а Аляксандр Моцік - у рабочую падгрупу аб палітычных пытаннях.
Раней паведамлялася, што Уладзімір Зяленскі не збіраецца публікаваць дарожную карту што да менскіх перамоў да 19 чэрвеня, калі адбудзецца наступная сустрэча перагаворшчыкаў ў Менску.