ФІФА вывучае магчымасць пераносу чэмпіянату свету-2022 з Катара
10- 19.06.2019, 19:47
- 14,093
У ФІФА праводзяцца сакрэтныя сустрэчы для пошуку неадкладнай замены краіны-гаспадыні форума.
ФІФА вывучае магчымасць пераносу чэмпіянату свету-2022 з Катара ў іншую краіну, паведамляе pressball.by.
Як паведамляе TNT Sports, у ФІФА праводзяцца сакрэтныя сустрэчы для пошуку неадкладнай замены краіны-гаспадыні форума.
Раней былы прэзідэнт УЕФА Мішэль Плаціні быў узяты пад варту для дачы паказанняў аб карупцыі на выбарах месца правядзення ЧС-2022, а пасля вызвалены.
На права правядзення чэмпіянату свету-2022 прэтэндавалі Катар, ЗША, Карэя, Японія і Аўстралія. Катар выйграў усе чатыры туры галасавання, у заключным перамогшы ЗША 14 галасамі супраць 8.