16 лiпеня 2019, aўторак, 14:10
Мы ў адной лодцы
Рубрыкі

Экспарт нафтапрадуктаў з Беларусі абваліўся больш чым на 17%

6

У вартасным выражэнні пастаўкі ў параўнанні са студзенем-красавіком 2018 года знізіліся на 18,6%.

Экспарт нафтапрадуктаў з Беларусі ў студзені-красавіку 2019 года знізіўся на 17,3% да 3,8 млн тонаў. Пра гэта паведамляе БелТА са спасылкай на звесткі Белстата.

У вартасным выражэнні пастаўкі ў параўнанні са студзенем-красавіком 2018 года знізіліся на 18,6% да $1,8 мільярда.

Экспарт нафты з Беларусі за студзень-красавік знізіўся на 9% да 488 тысяч тон (у вартасным выразе ён паменшыўся на 11,4% да $222,7 млн). Увесь аб'ём пастаўлены ў Нямеччыну.

Імпарт нафты за 4 месяцы склаў блізу 6 млн т (на 0,5% менш, чым у мінулым годзе). Імпарт нафтапрадуктаў склаў 73,6 тысяч т (на 95% менш - у студзені-красавіку 2018-га было 1,5 млн т).