Ва Украіне Зяленскі замяніў Адміністрацыю прэзідэнта на Офіс і скараціў штат

Адміністрацыю прэзідэнта Украіны чакае рэарганізацыя.

Прэзідэнт Украіны Уладзімір Зяленскі стварыў Офіс прэзідэнта шляхам рэарганізацыі АП і скарачэння яе штата.

Адпаведны ўказ апублікаваны на сайце кіраўніка дзяржавы, паведамляе «Новое время».

«Стварыць Офіс прэзідэнта Украіны шляхам рэарганізацыі і скарачэння колькасці работнікаў Адміністрацыі прэзідэнта Украіны», - гаворыцца ва ўказе.

Офіс прэзідэнта Украіны з'яўляецца стала дзейным дапаможным органам, асноўнай задачай якога з'яўляецца арганізацыйнае, прававое, кансультатыўнае, інфармацыйнае, экспэртна-аналітычнае і іншае забеспячэнне ажыццяўлення прэзідэнтам Украіны вызначаных Канстытуцыяй Украіны паўнамоцтваў.