Hовы трэнер футбольнай нацыянальнай каманды Беларусі: Будзем старацца гуляць першым нумарам
7- 20.06.2019, 17:06
- 10,597
Міхаіл Мархель даў першае інтэрв'ю на новай пасадзе.
Новы галоўны трэнер нацыянальнай каманды Беларусі Міхаіл Мархель распавёў, у які футбол будзе гуляць каманда пад ягоным кіраўніцтвам, піша «Прессбол».
- Як можаце ахарактарызаваць філасофію і стыль гульні, якія збіраецеся прышчапіць нацыянальнай камандзе? Як яна будзе адрознівацца ад таго, што заўзятары бачылі ў апошнія гады?
- Нічога новага не скажу. Будзем старацца гуляць у відовішчны футбол. Мы разумеем, што не з'яўляемся грандамі еўрапейскага футбола, але гуляць з імі і паказваць пры гэтым досыць добрую змястоўную гульню мы, я думаю, у стане. А ў гульнях з супастаўнымі спаборнікамі, мяркую, мы павінны гуляць першым нумарам. Гэты футбол будзе падабацца нашым заўзятарам. Пастараемся прыкласці максімум намаганняў, каб у гэты футбол гулялі.