Праваабарончыя арганізацыі розных краін заклікалі не скасоўваць санкцыі супраць РФ у Радзе Еўропы

Праваабарончыя арганізацыі Нямеччыны, Бельгіі, Нарвегіі, ЗША і яшчэ шэрагу краін апублікавалі сумесную заяву.

Праваабарончыя арганізацыі Нямеччыны, Бельгіі, Нарвегіі, ЗША, Грузіі і яшчэ шэрагу краін апублікавалі сумесную заяву з заклікам да ПАРЭ не скасоўваць санкцыі супраць расейцаў.

Тэкст заявы маецца ў распараджэнні «Европейской правды».

«На чэрвеньскай частцы сесіі Парламенцкая Асамблея Рады Еўропы будзе галасаваць за скасаванне санкцый, уведзеных супраць Расеі пасля незаконнай анэксіі Крыма. Той факт, што галасаванне наогул адбываецца, з'яўляецца істотнай і трывожнай зменай палітыкі Рады Еўропы ў дачыненні да Расеі», - гаворыцца ў заяве.

Праваабаронцы адзначаюць, што нармалізацыя гвалтоўнай анэксіі тэрыторыі суверэннай дзяржавы, якая суправаджаецца грубымі парушэннямі міжнароднага гуманітарнага права і правоў чалавека, створыць сур'ёзную пагрозу бяспекі не толькі для Украіны, але і для ўсяго рэгіёну.

«З гэтых прычын мы заклікаем ПАРЕ і Камітэт міністраў прадэманстраваць адзінства ў адстойванні каштоўнасцяў і прынцыпаў, на якіх грунтуецца Рада Еўропы, і цалкам падтрымліваць санкцыі датуль, пакуль Расея не выканае ўмовы, за парушэнне якіх гэтыя санкцыі былі ўведзеныя», - гаворыцца ў заяве.

Нагадаем, рэгламентных камітэт ПАРЕ прыняў рэзалюцыю, якая можа змяніць правілы арганізацыі аб увядзенні санкцый у дачыненні да дэлегацый. Гэты крок можа прывесці да вяртання расейскай дэлегацыі ў ПАРЕ.

Асамблея разгледзіць зацверджаны камітэтам праект рэзалюцыі на наступным тыдні.

У Расеі ўжо заявілі пра намер вярнуцца да працы ў ПАРЕ на летняй сесіі пры ўмове прыняцця рэзалюцыі, якая «забівае» санкцыйны механізм.