Антон Герашчанка наважыў не ўдзельнічаць у выбарах у Раду

Аднак дэпутат ад «Народнага фронту» падкрэсліў, што не сыходзіць з украінскай палітыкі.

Народны дэпутат ад «Народнага фронту» Антон Герашчанка заявіў, што не будзе балатавацца ў Вярхоўную Раду наступнага склікання.

Пра гэта ён напісаў у Facebook.

«Я прыняў пастанову не вылучаць сваю кандыдатуру для ўдзелу ў датэрміновых выбарах у Вярхоўную Раду. У будучым парламенце ў мяне будзе магчыма не менш, а нават больш аднадумцаў, якім я гатовы перадаваць мой досвед і веды, атрыманыя за гады працы ў Вярхоўнай Радзе», - напісаў Герашчанка.

Са слоў палітыка, «не ўсё задуманае ўдалося рэалізаваць», але «ворагі Украіны ацанілі» яго працу і «ўклад у справу забеспячэння бяспекі Украіны».

«Былі ў маёй працы і памылкі. Бо не памыляецца толькі той, хто нічога не робіць», - дадаў народны дэпутат.

Аднак Герашчанка падкрэсліў, што не сыходзіць з украінскай палітыкі.

«Я працягну сваю працу па ўмацаванні ўкраінскай дзяржавы, і ў далейшым засяроджуся на праектах у сферы нацыянальнай бяспекі, абароны, рэформы праваахоўнай і судовай сістэмы аналітычнага цэнтра «Украінскі інстытут будучыні», адным з заснавальнікаў якога я з'яўляюся. Гэта будзе інтэлектуальная, часта нябачная няўзброеным вокам, барацьба з расейскай агрэсіяй, варожай прапагандай і пагрозай рэваншу», - растлумачыў ён.

Нагадаем, што выбары ў Вярхоўную Раду запланаваны на 21 ліпеня.