17 лiпеня 2019, Серада, 4:31
Мы ў адной лодцы
Рубрыкі

«Раскосмас» забароніць расейскім касманаўтам мацюкацца

19
ФОТА: ТАСС

Падрыхтаваны праект Кодэкса прафесійнай этыкі касманаўтаў РФ.

Гэты дакумент, тэкст якога быў апублікаваны на федэральным партале праектаў і прававых актаў у пятніцу, 21 чэрвеня, змяшчае, сярод іншага, патрабаванне адмовіцца ад выкарыстання нецэнзурнай лексікі і непрыстойных выразаў пры ажыццяўленні прафесійнай дзейнасці, а таксама мець вонкавы выгляд, які "адпавядае агульнапрынятаму справавому стылю" і "спрыяе фармаванню паважлівага стаўлення грамадзянаў да касманаўтам Расейскай Федэрацыі", піша dw.com.

Касманаўтаў абавяжуць папярэджваць "карупцыйна-небяспечныя паводзіны" калегаў

Таксама касманаўтам прадпісваецца ўстрымлівацца ад публічных выказванняў, меркаванняў і ацэнак у дачыненні да "Раскосмаса" і прымаць у рамках сваіх паўнамоцтваў захады для папярэджанні карупцыі. Так, касманаўту РФ варта рабіць "захады для таго, каб касманаўты Расейскай Федэрацыі, у дачыненні да якіх ён мае кіраўнічыя паўнамоцтвы, не дапускалі карупцыйна-небяспечных паводзінаў", гаворыцца ў дакуменце.

Акрамя іншага, кодэкс рэгулюе паводзіны касманаўтаў у сацсетках і забараняе выкладваць у інтэрнэт фатаграфіі або інфармацыю пра іншых асобаў без іхняга дазволу.

Пакаранне за парушэнні кодэкса этыкі

Кодэкс не прадугледжвае грашовых штрафаў за ягонае парушэнне, аднак у падобным выпадку касманаўт "можа быць папярэджаны пра недапушчальнасць неэтычных паводзінаў", гаворыцца ў дакуменце.

Акрамя таго, парушэнні кодэкса будуць улічвацца пры правядзенні атэстацыі касманаўта, "прыняцці ў дачыненні да яго захадаў заахвочвання", а таксама пры прыняцці пастановаў пра ягонае павышэнне на пасадзе.