Ілан Маск: Праз 30 гадоў шчыльнасць насельніцтва Зямлі істотна паменшыцца
25- 23.06.2019, 19:12
- 27,685
Меркаванне знакамітага інжынера ў корані разыходзіцца з апошняй справаздачай ААН.
Адзін з самых знакамітых інжынераў свету ўпэўнены, што праз трыццаць гадоў шчыльнасць насельніцтва Зямлі істотна зменшыцца. Гэта адбудзецца таму, што ўжо цяпер у большасці краінаў свету смяротнасць значна перавышае нараджальнасць, паведамляе bitbet.news.
Ягонае меркаванне ў корані разыходзіцца з апошняй справаздачай Арганізацыі Аб'яднаных Нацый, якая мяркуе, што праз трыццаць гадоў насельніцтва планеты наблізіцца да дзесяці мільярдаў чалавек, а да 2100 года дасягне адзінаццаці мільярдаў.
Тым не менш у дакладзе ААН таксама гаворыцца пра небывалы ўзровень старэння насельніцтва.
У аснове словаў Маска ляжыць кніга вучонага Ёргена Рандэрса з Нарвегіі, які сцвярджае, што чалавечая папуляцыя пачне рэзка падаць ужо праз дваццаць гадоў.