Сіноптыкі: Да канца тыдня пахаладае

Стала вядома, якое будзе надвор'е на тыдні.

У першай палове тыдня тэрыторыя Беларусі будзе знаходзіцца пад уплывам вобласці павышанага атмасфернага ціску, чакаецца цёплае без ападкаў надвор'е. У чацвер актыўны франтальны раздзел прынясе няўстойлівае з дажджамі і парывістым ветрам надвор'е. За фронтам пачне паступаць халодная паветраная маса паўночных шыротаў, і да канца працоўнага тыдня ў Беларусі пахаладае. Пра гэта tut.by апавялі ў Белгідрамеце Мінпрыроды.

У аўторак, 25 чэрвеня, – без ападкаў. Тэмпература паветра мінімальная ноччу ў асноўным складзе +11... 17°С, месцамі яна панізіцца да +7... 10°С, максімальная тэмпература днём – +23... 29°С.

У сераду, 26 чэрвеня, – пераважна без ападкаў. Тэмпература паветра мінімальная ноччу – +11... 16°С, у асобных раёнах паветра астудзіцца да +8... 10°С, максімальная тэмпература днём складзе ад +23°С па паўночным усходзе да +32°С па захадзе краіны.

У чацвер, 27 чэрвеня, атмасферны фронт прынясе ўначы ў асноўным па паўночна-заходняй палове, раніцай і днём на большую частку тэрыторыі Беларусі кароткачасовыя дажджы рознай інтэнсіўнасці, месцамі прагрымяць навальніцы, у асобных раёнах магчымы град. Днём у многіх раёнах чакаецца моцны парывісты вецер. Тэмпература паветра мінімальная ноччу складзе 14... 20°С; максімальная тэмпература днём – у асноўным +22... 28°С, у паўночных раёнах краіны за фронтам не вышэйшая за +19... 21°С, па паўднёвым усходзе яшчэ паветра прагрэецца да +31°С.

У пятніцу, 28 чэрвеня, чакаецца прахалоднае ветранае надвор'е, месцамі па краіне пройдуць кароткачасовыя дажджы. Тэмпература паветра мінімальная ноччу складзе +9... 16°С, максімальная тэмпература днём +16... 23°С.