У ПАРЭ назвалі ўмовы для вяртання Расеі

Пра Украіну – ні слова.

Дзяржсакратарка МЗС Францыі ў пытаннях Еўропы Амелі дэ Маншален упэўненая, што для выканання патрабаванняў ПАРЭ Расея павінна заплаціць унёсак і дапусціць камісара РЕ ў правах чалавека на сваю тэрыторыю, не згадаўшы змяненне палітыкі ў дачыненні да Украіны ў пераліку патрабаванняў.

Пра гэта яна заявіла ў зале ПАРЭ, адказваючы на пытанне ўкраінскага дэпутата Аляксея Ганчарэнкі, паведамляе з Страсбурга карэспандэнт "Еўрапейскай праўды".

Каментуючы магчымасць зняцця санкцыйнага ціску з РФ, Амелі дэ Маншален нагадала, што Рада Еўропы ўжо зрабіла некалькі саступак расейскай уладзе, каб дазволіць вяртанне яе дэлегацыі ў Страсбург, але заявіла, што чакае сустрэчных крокаў Масквы.

Аднак сярод крокаў, якія павінна зрабіць РФ, не знайшлося згадкі пра расейскую палітыку ў дачыненні да Украіны.

"(Еўрапейскім бокам) жэсты робяцца, але гэтага недастаткова. Другі бок таксама павінна зрабіць сваю частку працы – заплаціць унёскі, а таксама пагадзіцца, што камісар у правах чалавека зможа без затрымак выязджаць у любое месца Расеі. І гэта павінна быць пастаноўлена ў найбліжэйшыя дні", – заявіла яна.

Дыпламатка падкрэсліла, што мяркуе неабходным аднаўленне расейскай дэлегацыі ў правах, таму што гэта, з яе словаў, дапаможа простым расейцам, якія павінны захаваць магчымасць звяртацца ў Еўрапейскі суд у правах чалавека (гэтая магчымасць знікне, калі Расея аднойчы надумае выйсці з Рады Еўропы. – заўв.). "Мы павінны браць да ўвагі інтарэсы ўсіх, уключаючы расейцаў, іх правы не павінны парушацца. Простыя расейцы не могуць стаць закладнікам палітычных рознагалоссяў", – заявіла прадстаўніца кіраўніцтва МЗС Францыі.

Пад "палітычнымі рознагалоссямі", мяркуючы з кантэксту, яна мела на ўвазе ўкраінска-расейскі канфлікт.

Акрамя развязання фінансавага пытання і аднаўлення маніторынгу парушэнняў правоў грамадзянаў унутры Расеі і іншых патрабаванняў на адрас РФ не прагучала.