Пад Менскам бунтуюць вяскоўцы

Размытую дарогу на Валожыншчыне дагэтуль не аднавілі.

У канцы траўня ў вёсцы Папкі Валожынскага раёна моцны лівень цалкам размыў дарогу. Аднак у парадак яе дагэтуль не прывялі. Пра сваю праблему мясцовыя жыхары распавялі падчас жывой лініі Мінаблвыканкама, піша mlyn.by.

- Па нашай вуліцы цяпер немагчыма праехаць, - раззлаваны Міхаіл Пятровіч. - Мы звярталіся ў Пяршайскі сельсавет. Прайшоў месяц, але ніхто ніякіх захадаў не робіць.

Вёска Папкі знаходзіцца непадалёк ад трасы Р54 Пяршаі - Івянец, дзе 29 траўня праз моцны пролівень размыла асфальтаваную дарогу, у выніку чаго адбылося абрынанне вялікага адцінку праезнай часткі. Вада моцна пашкодзіла дарогі і ў іншых населеных пунктах Валожыншчыны.