18 лiпеня 2019, Чацвер, 8:52
Мы ў адной лодцы
Рубрыкі

Лукашэнка ўхваліў законапраект аб амністыі

6
ФОТА: AP

Хто пад яе трапляе?

Законапраект аб амністыі ў сувязі з 75-годдзем вызвалення Беларусі ад нямецка-фашысцкіх захопнікаў ухвалены Лукашэнкам, дакумент унесены на разгляд у «парламент», паведаміў дзяржаўны тэлеканал «Беларусь-1».

Паведамляецца, што амністыя закране так званыя ільготныя катэгорыі грамадзян:

непаўналетніх,

цяжарных жанчын,

самотных бацькоў, якія выхоўваюць дзяцей да 18 гадоў,

інвалідаў і невылечна хворых.

Таксама на амністыю могуць разлічваць тыя, у каго ёсць заслугі перад краінай:

вайскоўцы, якія бралі ўдзел у баявых дзеяннях,

ліквідатары аварыі на Чарнобыльскай АЭС.

А вось асуджаным за наркотыкі чакаць амністыі не даводзіцца. Адказваючы 19 красавіка на пытанні «дэпутатаў» пасля звароту з пасланнем, Лукашэнка заявіў, што ніякай амністыі не будзе ні для вытворцаў, ні для распаўсюджвальнікаў наркотыкаў, нагадвае «Радыё Свабода».

Амністыі для асуджаных паводле наркатычных артыкулаў патрабуе рух «Маці 328». Актывісткі руху, дзеці якіх адбываюць пакаранне за наркотыкі, некалькі разоў арганізоўвалі мітынгі каля «парламента», каб да гэтай праблемы прыслухаліся. І цяпер некалькі актывістак удзельнічаюць у галадоўцы, патрабуючы перагляду антынаркатычнага заканадаўства. Праблема ў тым, што нават за маленькія порцыі наркатычных рэчываў людзям даюць вялікія турэмныя тэрміны.

Законапраект аб памілаванні на даручэнне Лукашэнкі распрацавала Міністэрства ўнутраных спраў Беларусі разам з Вярхоўным Судом і Генпракуратурай. Чакаецца, што яго разгледзяць 26 чэрвеня на сесіі «палаты прадстаўнікоў». Пасля разгляду «дэпутатамі» праект перададуць у «савет рэспублікі», а потым на падпісанне Лукашэнку.

Апошні раз амністыя праводзілася 4 гады таму. У гэтым годзе пад амністыю могуць трапіць блізу 10-12 тысяч чалавек.