Аўстрыйскі суд ухваліў экстрадыцыю ўкраінскага алігарха Фірташа ў ЗША
3- 25.06.2019, 14:40
- 8,570
У ЗША ўкраінскага алігарха абвінавачваюць у хабары.
Вярхоўны суд Аўстрыі ў аўторак ухваліў экстрадыцыю ўкраінскага алігарха Дзмітрыя Фірташа ў ЗША, паведамляе агенцтва Reuters.
Генеральная пракуратура Аўстрыі раней запатрабавала ад Вярхоўнага суда (ВС) скасаваць экстрадыцыю Фірташа ў ЗША, бо мяркуе, што пастанова пра яе дапушчальнасць, прынятая Вышэйшым зямельным судом Вены ў лютым 2017 года, парушае заканадаўства краіны.
Адзначаецца, што канчатковая пастанова – за федэральным міністрам юстыцыі Аўстрыі.
Фірташ быў арыштаваны ў Вене 12 сакавіка 2014 года, а потым адпушчаны пад падпіску аб нявыездзе пасля ўнясення рэкорднага для Аўстрыі закладу 125 мільёнаў еўраў. У ЗША Фірташа абвінавачваюць у хабары індыйскім палітыкам з мэтай атрымаць ліцэнзію на распрацоўку тытанавага радовішча.