Кіраўнік МЗС Латвіі назваў пастанову ПАРЕ абсалютна няправільнай і нагадаў пра Крым
7- 25.06.2019, 20:04
- 9,741
Пастанова ПАРЕ вярнуць Расеі права голасу разбурае аўтарытэт Рады Еўропы.
Кіраўнік МЗС Латвіі мяркуе, што пастанова ПАРЕ вярнуць Расеі права голасу разбурае аўтарытэт Рады Еўропы, яе дзеяздольнасць і падрывае прэстыж.
Пра гэта паведамляе Delfi.
Кіраўнік МЗС Латвіі Эдгар Рынкевіч нагадаў, што ўсе тры краіны Балтыі, а таксама Украіна і Грузія, пратэставалі супраць вяртання Расеі ў ПАРЕ яшчэ ў траўні гэтага года.
У каментары агенцтву LETA Рынкевіч расказаў, што ўважае пастанову ПАРЕ «абсалютна няправільнай». Ён нагадаў, што Расея была пазбаўленая права голасу ў Асамблеі пасля анэксіі Крыма ў 2014 годзе.