Сталі вядомыя краіны з самімі чыстымі пляжамі
1- 26.06.2019, 12:33
- 11,030
Гэтыя краіны трапілі ў прэстыжны рэйтынг.
Лідарамі сярод краін з пляжамі, якія адзначаны прэстыжнай узнагародай "Блакітны сцяг", сталі Гішпанія, Грэцыя і Турцыя, піша сайт abcnews.com.ua.
669 прыбярэжных тэрыторый Гішпаніі ўганараваліся годнасці найлепшых. Грэцыя ўзяла "срэбра" з 515 пляжамі.
У гарадскім заліку рэкорд устанавіў турэцкі курорт Анталья. У 2019 годзе "Блакітны сцяг" раскінуўся над 202 пляжамі гэтага горада. У мінулым годзе іх было роўна 200. У спіс найлепшых трапілі амаль усе пляжы ў раёне Каньяалты, у раёне Муратпаша, а таксама папулярны ў «турпакетнікаў» пляж Лара.
Ва ўсёй Турцыі пляжаў-прызёраў 463. 109 з іх знаходзяцца ў Мугла, 49 - у Ізміры, 30 - у Айдын. 313 пляжаў функцыянуюць пры гатэлях, 150 - грамадскія.
Усяго ў свеце "Блакітнымі сцягамі" ў 2019 годзе былі ўзнагароджаны 3 797 пляжаў і 695 прычалаў. Прыз уручаюць з 1987 года.