З пачатку года Bitcoin падаражэў на 170%
9- 26.06.2019, 14:59
- 8,485
Крыптавалюта сёння раніцай дасягнула самага высокага ўзроўню з сакавіка мінулага года.
З пачатку 2019 года крыптавалюта Bitcoin падаражэла на 170%, перавысіўшы сёння раніцай упершыню за 15 месяцаў $ 11 300, паведамляе CNBC (пераклад – liga.net).
Тэлеканал адзначае, што гэта самы высокі ўзровень з 5 сакавіка 2018 года.
"Рост абумоўлены двума асноўнымі чыннікамі: ростам згоды інвестыцыйнай супольнасці пра тое, што Bitcoin з'яўляецца законным сховішчам каштоўнасцяў для лічбавай эпохі, а таксама выпуск Facebook уласнай крыптавалюты Libra", – мяркуе сузаснавальнік венчурнай кампаніі Kenetic Capital Джэхан Чу.