У Гомельскім раёне пацыент на хаду выскачыў з аўто хуткай дапамогі
10- 26.06.2019, 18:53
- 12,017
Інцыдэнт адбыўся падчас транспартавання мужчыны ў бальніцу абласнога цэнтра.
Як распавёў «Гомельскай праўдзе» галоўны лекар Гомельскай гарадской станцыі хуткай медыцынскай дапамогі Міхаіл Прыступін, 40-гадовы пацыент знаходзіўся ў псіхічна ўзбуджаным стане і падчас руху выскачыў з аўтамабіля, чым нанёс сабе цялесныя пашкоджанні рознай ступені цяжкасці.
У гэты момант мужчына знаходзіцца ў абласной бальніцы. Паводле гэтага факта прызначаныя праверкі.