У будаваным шматпавярховіку ў Менску абрынулася перакрыцце
18- 27.06.2019, 18:31
- 26,968
Інцыдэнт адбыўся ля станцыі метро «Пятроўшчына».
Сёння пад абед у будаваным жылым комплексе каля станцыі метро «Пятроўшчына» абрынулася перакрыцце. Пра гэта Onliner паведаміў сведка на імя Раман. «Гэта адразу пасля дажджу было. Напэўна, не вытрымала канструкцыя. Там арматура тырчыць, абломкі», - распавёў мужчына. Атрымаць аператыўны каментар у кампаніі-забудоўшчыка пакуль не ўдалося. Падрабязнасці высвятляюцца. У МНС паведамлення пра здарэнне не паступала.
Заказчыкам аб'екта з'яўляецца ТДА «Айран». Мяркуючы з пашпарту аб'екта, будаваць шматпавярховік пачалі ў снежні 2017 года. Комплекс «Айран» - гэта тры дамы: два шасціпад’ездныя і адзін двухпад’ездны паміж імі. Вышыня секцый - ад 17 да 23 паверхаў. Каментаваць сённяшні інцыдэнт у кампаніі адмовіліся.