Бундэстаг: Сітуацыя з правамі чалавека ў Беларусі ў момант правядзення Еўрапейскіх гульняў – крытычная
67- 28.06.2019, 17:31
- 96,119
Камітэт парламента Нямеччыны ў правах чалавека прыняў рэзалюцыю.
Еўрапейскія гульні, якія праходзяць у Менску, сталі нагодай для дэпутатаў нямецкага Бундэстагу, каб звярнуць увагу міжнароднай грамадскасці на «крытычную сітуацыю з правамі чалавека ў Беларусі», паведамляе «Радыё Свабода».
Камітэт Бундэстага ў правах чалавека прыняў рэзалюцыю, дзе адзначае, што працэс унутраных палітычных рэформаў у краіне знаходзіцца ў стане стагнацыі, умовы ўтрымання ў турмах вельмі дрэнныя і нават няпоўнагадовыя атрымліваюць жорсткія турэмныя тэрміны за парушэнне антынаркатычнага заканадаўства.
Сярод асноўных пунктаў парушэнняў правоў чалавека ў Беларусі нямецкія дэпутаты адзначаюць:
Ужыванне смяротнага пакарання;
Невыкананне рэкамендацый АБСЕ, датычных рэформы выбарчай сістэмы;
Абмежаванні свабоды прэсы, сходаў і асацыяцый;
Дзяржаўныя рэпрэсіі супраць праваабаронцаў, апазіцыйных палітыкаў, журналістаў, блогераў і прафзвязных лідараў;
Абмежаванне працы незалежных няўрадавых арганізацый;
Дрэнныя ўмовы ўтрымання ў турмах. У гэтым кантэксце згадваюцца і жорсткія прысуды няпоўнагадовым за наркотыкі.