Аналітыкі: Пад 2030 год робаты заменяць 20 мільёнаў фабрычных рабочых

Аўтаматызацыя будзе спрыяць з'яўленню новых працоўных месцаў і эканамічнаму росту.

Экспэрты аналітычнай кампаніі Oxford Economics заявілі пра тое, што пад 2030 год робаты заменяць блізу 20 мільёнаў фабрычных рабочых. Пры гэтым, на думку даследчыкаў, людзі не змогуць знайсці сабе працу ў сфэры паслуг, бо працоўныя месцы таксама знікнуць праз аўтаматызацыю, паведамляе «Дзеркало тижня».

Разам з тым, аўтаматызацыя будзе спрыяць з'яўленню новых працоўных месцаў і эканамічнаму росту.

Са слоў экспэртаў, кожны новы робат замяняе 1,6 працоўнага месца на вытворчасці. Больш за ўсё пакутуюць нізкакваліфікаваных сэктары вытворчасці. Рэгіёны, у якіх больш людзей валодаюць меншай кваліфікацыяй, з больш слабай эканомікай і высокім узроўнем беспрацоўя, найбольш уразлівыя да страты працоўных месцаў дзеля рабатызацыі.

Больш за тое, зазвычай людзі, якія трацяць працоўныя месцы на вытворчасці, знаходзяць працу ў сфэры транспарту, будаўніцтва, тэхнічнага абслугоўвання, адміністрацыйных работ. Працоўныя месцы ў гэтых сфэрах таксама неабароненыя перад аўтаматызацыяй.