16 кастрычнiка 2019, Серада, 8:55
Мы ў адной лодцы
Рубрыкі

Кіроўцы: Новымі правіламі ДАІ распісалася ў сваёй бездапаможнасці

61
Кіроўцы: Новымі правіламі ДАІ распісалася ў сваёй бездапаможнасці

Беларус надумаў змагацца супраць змяненняў у ПДР.

З 2 да 15 траўня на прававым форуме Беларусі праходзіла грамадскае абмеркаванне ўказа Лукашэнкі пра змены ў Правілы дарожнага руху. Абмеркаванне атрымалася эмацыйным, на 164 старонкі форума. Аднак, і па заканчэнні абмеркавання шмат каму ёсць што сказаць, піша abw.by.

Беларус пад мянушкай VICTOR_F2CFF9 стварыў цэлую петыцыю, у якой выказаў сваё бачанне сітуацыі. Калі коратка, то ён не разумее, на якой падставе ДАІ будзе спыняць кіроўцаў для праверкі дакументаў. Ён супраць дазволу не спешвацца раварыстам на пераходзе, але за блізкае святло фар удзень Таксама ён думае, што правіла дзвюх палос бескарыснае. У петыцыі гаворыцца:

МУС Беларусі выйшла з ініцыятывай унесці змены ў заканадаўства, якое рэгулюе дарожны рух. Пазнаёміўшыся з прапанаванымі зменамі, гэтым зваротам мы выказваем сваю нязгоду з некаторымі новаўвядзеннямі.

Найперш мы катэгарычна пратэстуем супраць новаўвядзення, «якое дае права спыніць транспартны сродак проста для праверкі дакументаў». Ва ўсім свеце праверка дакументаў практыкуецца пры падазрэнні кіроўцы ў правапарушэнні. Не выпадкова ў знакамітым артыкуле 25 Закона «Аб органах унутраных спраў Рэспублікі Беларусь» заканадавец досыць выразна вызначыў: «Супрацоўнікі органаў унутраных спраў у мэтах выканання задач, ускладзеных на органы ўнутраных спраў, у межах сваёй кампетэнцыі маюць права: правяраць у грамадзян пры падазрэнні ва ўчыненні імі злачынстваў, адміністрацыйных правапарушэнняў дакументы, якія пацвярджаюць іх асобу, а таксама дакументы, неабходныя для праверкі выканання імі правілаў, нагляду і кантролю выкананне якіх ускладзенае на органы ўнутраных спраў».

Пасведчанне кіроўцы, пасведчанне аб рэгістрацыі (тэхнічны пашпарт, тэхнічны талон) механічнага транспартнага сродку, дакумент (сертыфікат) аб праходжанні дзяржаўнага тэхагляду і іншыя дакументы, пералічаныя ў пункце 12 Часткі 3 Правілаў дарожнага руху належаць менавіта да дакументаў, нагляд і кантроль за выкананнем якіх ускладзены на органы ўнутраных спраў. Дазвол іх праверкі адвольна, спантанна пры ўзнікненні ў супрацоўніка жадання, значыць падмяняць прэзумпцыю невінаватасці прэзумпцыяй татальнай вінаватасці кіроўцаў, якая беспадстаўна змушае кіроўцу на кожным рагу пацвярджаць сваё права на валоданне транспартным сродкам і кіраванне ім. І калі Рэспубліка Беларусь - унітарная дэмакратычная сацыяльная прававая дзяржава (арт.1 Канстытуцыі), то гэтая ініцыятыва - першы крок да падмены прававой дзяржавы на паліцэйскую.

Мы таксама супраць скасавання патрабавання да раварыстаў спешвацца на пешаходных пераходах. Аргументацыя ў кіраўніцтва ДАІ, на наш погляд, непераканаўча, «яна не працуе»! Такім чынам, ДАІ распісваецца ў сваёй бездапаможнасці паўплываць на раварыстаў? Дзе гарантыя, што раварыст не будзе выконваць новае патрабаванне «загадзя знізіць хуткасць руху і будзе перасякаць яе з хуткасцю пешахода». Яны і цяпер едуць са значна большай хуткасцю! Гэта можна дазваляць толькі там, дзе для кіроўцы АДНАЗНАЧНА гарыць забараняльны сігнал святлафора, а пры павароце налева кіроўца проста не паспее зрэагаваць на імгненна ўзніклага перад капотам раварыста! І такую сітуацыю правакуе і ініцыюе кіраўніцтва ДАІ, асноўнай задачай якога з'яўляецца гарантаванне бяспекі руху.

Не менш бескарысна, на нашу думку, і ўвядзенне, так званага, «правіла дзвюх палос», згодна з якім канкрэтызуецца сітуацыя, калі кіроўцам правамерна будзе забяспечана перавага ў руху пешаходу. Прапануецца вызначыць, што перавага пешаходу лічыцца нададзенай, калі адлегласць паміж транспартным сродкам і пешаходам у пункце меркаванага перасячэння іх траекторый руху склала не менш за дзве паласы (адну паласу і трамвайныя рэйкі, адну паласу і раздзяляльную паласу або зону). Выклікана, яно магчыма распаўсюджанай недасведчанасцю інспектараў, якія не ў курсе, што згодна з дзейнымі Правіламі кіроўца абавязаны «саступіць дарогу пешаходам». Саступіць дарогу гэта значыць «не аднаўляць рух, знізіць хуткасць руху аж да спынення транспартнага сродку ці не ажыццяўляць які-небудзь манеўр (за выключэннем патрабавання вызваліць занятую паласу руху, якая падаецца рэгуліроўшчыкам або кіроўцам транспартнага сродку аператыўнага прызначэння), калі гэта можа прымусіць іншага ўдзельніка ( іншых удзельнікаў) дарожнага руху змяніць кірунак і (або) хуткасць руху». Усё проста і зразумела ўсім, акрамя інспектараў, якія забараняюць рух аўтамабіля ў выпадку знаходжання пешахода на праезнай частцы ўвогуле! Якім чынам кіраўніцтва ДАІ прапануе фіксаваць адлегласць паміж пешаходам і транспартным сродкам?

У той жа час просім уключыць у ПДР патрабаванне аб руху транспартнага сродку з уключанымі хадавымі агнямі або блізкім святлом удзень, асабліва за межамі горада.