Яшчэ адзін суіцыд у Памежных войсках: гэтым разам у Полацкім атрадзе

Cуіцыд адбыўся падчас знаходжання вайскоўца на службе.

44-гадовы прапаршчык Полацкага памежнага атрада наклаў на сябе рукі, паведамляе nn.by

Вядома, што адбылося гэта ў час ягонага знаходжання на службе. Першым пра здарэнне паведаміў Telegram-канал Nexta.

Памежнікі пацвердзілі факт суіцыду.

«Цяпер кіраўніцтва выбыла не месца здарэння. Пра прычыны пакуль казаць рана. Будуць праводзіцца аператыўныя дзеянні для высвятлення абставін, якія прымусілі пайсці яго на такі крок: праблемы на службе або асабістыя», - паведамілі журналістам у Дзяржаўным памежным камітэце.