Хадасевіч: «Іслач» з'яўляецца фаварытам у набыцці Аляксандра Глеба

Спартыўны журналіст ацаніў перспектывы экс-паўабаронцы БАТЭ.

Спартыўны журналіст Мікалай Хадасевіч падзяліўся меркаваннем з нагоды перспектыў паўабаронцы Аляксандра Глеба, які расстаўся з БАТЭ і апынуўся перад выбарам працягу кар'еры, паведамляе pressball.by::

- Мне здаецца, Глеб гэты год яшчэ дагуляе. Пры гэтым ён не з'едзе за межы Беларусі. Таму што яго чакае адметная, радасная падзея, з чым мы яго і віншуем. Ён другім разам стане бацькам найбліжэйшым часам. А значыць, калі працягне кар'еру, то гэта будзе ў межах краіны. А калі яшчэ звузіць, у межах Менскай вобласці. Ну куды ён можа пайсці? Магчыма, у менскае "Дынама". Магчыма, у жодзінскую "Тарпеду". Магчыма, яшчэ кудысьці. Мне здаецца, фаварытам у набыцці паўабаронцы з'яўляецца "Іслач". Гэта маё меркаванне. Па-першае, чуткі пра тое, што "Іслач" гатовая ўзяць у свае шэрагі Глеба, ужо хадзілі. Па-другое, мы ведаем, што Віталь Жукоўскі ў добрых стасунках з Аляксандрам. Па-трэцяе, гэта Менск, дзе можна гуляць - адзінае, бянтэжыць сінтэтыка. Па-чацвёртае, "Іслачы", мне здаецца, патрэбны Аляксандр Глеб. Гэтая каманда ўжо высока забралася ў чэмпіянаце. Падолела жодзінскую "Тарпеду" ў мінулым туры - гераічна, у меншасці. І вось Глеб на дыстанцыі, вядома, гулец абоймы, для таго каб на гэтых высокіх пазіцыях затрымацца. І гэта яшчэ іміджавы ход, станаўленне і гэтак далей. Глеб спатрэбіўся б "Іслачы", мне здаецца, - сказаў Хадасевіч ў эфіры праграмы "Бремя футбола".