Цана на нафту Brent ужо па $ 59,45

Апошні раз нафта апускалася ніжэй за $60 і таргавалася ў студзені сёлета.

Цана нафты маркі Brent упала ніжэй за $60 упершыню са студзеня. На 18:50 паводле Менску нафта ўпаў да мінімуму ў $59,45 за барэль, страціўшы за дзень больш за два даляры. Пра гэта сведчаць звесткі таргоў на сайце РБК.

Нафта маркі WTI таксама страчвае ў кошце. На працягу гандлёвай сесіі ў сераду барэль гэтай маркі нафты таксама патаннеў больш чым на $2 і таргаваўся паводле звестак на 19:15 на ўзроўні $51,24.

Ніжэй за $60 нафта маркі Brent падала апошні раз 9 студзеня, тады каціроўкі зніжаліся да адзнакі $59,05 за барэль.

Агенцтва Bloomberg звязвае падзенне коштаў нафты са звесткамі Энэргетычнага інфармацыйнага агенцтва ў складзе федэральнай статыстычнай службы ЗША (Energy Information Administration, EIA). У сераду яно паведаміла, што агульныя запасы нафты ў Штатах выраслі прыкладна на 22 млн бар., што стала найбуйнейшым ростам, пачынаючы з 1990 года. Акрамя таго, здабывальныя кампаніі ў ЗША ўстанавілі новы рэкорд здабычы, які цяпер складае 1,24 млн бар. у дзень.

«Я не здзівіўся, убачыўшы сёння рэальнае падзенне коштаў», - прыводзіць агенцтва словы Мэта Салі з Tortoise Capital Advisors LLC. «Пакуль не адбудзецца нешта прарыўнае на рынку, я не бачу прычын для ўмацавання коштаў сырой нафты на наступным тыдні», - дадаў ён.