28 сакавiка 2024, Чацвер, 12:06
Падтрымайце
сайт
Сім сім,
Хартыя 97!
Рубрыкі

Аргентына і Бразілія могуць стварыць адзіную валюту

5
Аргентына і Бразілія могуць стварыць адзіную валюту

Рабочая назва будучай валюты - «песарэал».

Аргентына і Бразілія разглядаюць магчымасць стварэння адзінай валюты. Пра гэта паведаміла ў чацвер бразільская газета «Глобу». Паводле інфармацыі выдання, адпаведныя планы анансавалі падчас сустрэчы з дзелавымі коламі Аргентыны падчас візіту ў Буэнас-Айрэс прэзідэнт Бразіліі Жаір Балсанару і міністр эканомікі краіны Паўлу Гедэс, паведамляе TACC.

Як паведаміла «Глобу» са спасылкай на крыніцы ў прадпрымальніцкіх колах, такі макраэканамічны праект прапаноўваўся і раней. На іх думку, ён з'яўляецца натуральным працягам збліжэння палітычных пазіцый дзвюх дзяржаў, дзе раней ва ўладзе адначасова знаходзіліся левыя палітычныя сілы, якіх цяпер у Буэнас-Айрэсе і Бразіліа змянілі правыя.

Рабочая назва будучай валюты - песарэал, складзеная з назваў цяперашніх грашовых адзінак паўднёваамерыканскіх рэспублік (песа - валюта Аргентыны, рэал - валюта Бразіліі). Далейшыя перамовы на гэты конт, як чакаецца, будуць працягвацца ў рамках механізмаў узаемадзеяння па лініі дзелавых аб'яднанняў.

На думку сына бразільскага лідара, дэпутата Эдуарду Балсанару, які ўзначальвае камітэт міжнародных спраў і нацыянальнай абароны ў ніжняй палаце парламента, гэтая ініцыятыва носіць доўгатэрміновы характар. Прадстаўнікі аргентынскага бізнэсу ў сваю чаргу паказваюць на неабходнасць папярэдняга паляпшэння каардынацыі ў галіне валютна-грашовай і падатковай палітыкі.

Напісаць каментар 5

Таксама сачыце за акаўнтамі Charter97.org у сацыяльных сетках