Апублікаваны сакрэтны дакумент пра берасцейскі акумулятарны завод
47- NEXTA
- 8.06.2019, 8:08
- 59,179
У Берасці разгараецца нават не скандал, а скандалішча.
Пра гэта ў сваім Telegram-канале NEXTA піша вядомы блогер Сцяпан Святлоў.
«У Берасці разгараецца нават не скандал, а скандалішча: як вынікае з дакумента для службовага карыстання, што прасачыўся з мясцовага аблвыканкама, менавіта тутэйшы абласны Камітэт прыродных рэсурсаў і аховы навакольнага асяроддзя выдаў прагным камерсантам з ТАА «АйПаўэр», што дзеля звышпрыбыткаў гатовыя атруціць свінцом усё жывое вакол, дазвол на выкіды ядаў у атмасферу.
Праўда, замерыўшы гэтыя выкіды, спецыялісты камітэта былі ашаломленыя ад параметраў, што ўжо збіраюцца ўсе дазволы прыпыніць. Калі, вядома, губернатар Ліс дазволіць - бо камерсантамі даўно за ўсё заплачана, катэджы пабудаваныя, і наогул можа нязручна выйсці.
Тым часам з цяплічнага камбіната «Берасце», які знаходзіцца за 5,5 км ад акумулятарнага завода, наша крыніца сёння, 7 чэрвеня паведаміла, што ў іх агародніннай прадукцыі, паводле звестак таксікалагічных аналізаў, утрыманне свінцу пасля пачатку работ на ТАА «АйПаўэр» падвысілася ў 2 разы ў параўнанні з мінулым годам! І толькі ледзь-ледзь не дацягнула да ГДК, з якой есці гэта стане наогул нельга», - піша блогер NEXTA.