16 лiпеня 2019, aўторак, 6:15
Мы ў адной лодцы
Рубрыкі

Навукоўцы распавялі, каму асабліва карысна есці сала

9

Сала пры правільным ужыванні дапамагае захаваць фігуру.

Ужо многія гады спецыялісты абмяркоўваюць карысныя і шкодныя ўласцівасці такога каштоўнага прадукту як сала.

На думку экспэртаў, агулам раслінныя і жывёльныя тлушчы аказваюць спрыяльны ўплыў на здароўе чалавека, калі толькі не ўжываць іх у непамернай колькасці, паведамляе Хроника.инфо.

З'ядаць 10-30 грамаў свежага сала ў дзень не шкодна, а карысна. Гэты прадукт з'яўляецца выдатнай крыніцай вітамінаў A, D, E і эфектыўна ўмацоўвае косці. Тым, хто змагаецца з лішняй вагой, медыкі раяць ужываць сала без хлеба і толькі ў першай палове дня.

Даследаванне спецыялістаў з Мюнхенскага ўніверсітэта паказала, што свіное сала змяшчае арахідонавую кіслату, якая належыць да амега-6 ненасычаных тлустых кіслот. Арахідонавая кіслата ўваходзіць у склад клетачных мембран, з'яўляецца часткай ферментаў сардэчнай мышцы, кантралюе баланс халестэрыну ў крыві.

Дзве тлустыя кіслоты, прысутныя ў сале (лінолевая і арахідонавая) важныя для мозгу: яны спрыяюць фармаванню і развіццю мозгу ў плода і дзіцяці, а пасля абараняюць мозг на працягу ўсяго жыцця.

Тлустыя кіслоты сала ўдзельнічаюць у халестэрынавым абмене і спрыяюць вывядзенню з арганізма таксінаў, такім чынам абараняючы яго ад вірусаў і ўмацоўваючы імунітэт. Тлушчы сала не перагружаюць печань і лёгка засвойваюцца, іх ужыванне паляпшае абмен рэчываў.

Сала дапамагае захаваць фігуру. Сала павольна расшчапляецца і можа падтрымліваць пачуццё сытасці на працягу доўгага часу. Акрамя таго, яно валодае жаўцягонным дзеяннем. Дзякуючы гэтым уласцівасцям, лустачку сала, з'едзеная раніцай, дапамагае заставацца стройным.