Абітурыентам пачалі выдаваць сертыфікаты ЦТ

Дзе іх атрымліваць і калі несці ў ВНУ?

Абітурыенты, якія пісалі ЦТ у асноўныя дні, з 10 ліпеня могуць ісці па сертыфікаты. Тым, хто скарыстаўся рэзервовым днём, давядзецца пачакаць да 13 ліпеня, паведамляе tut.by. Забраць дакумент з вынікам можна ў пунктах тэставання, дзе хлопцы і дзяўчаты здавалі тэсты.

Важна!

Вынікі тэставання сёлета прыкметна падраслі. А вось парогавыя балы выявіліся невысокімі. Паглядзець іх можна тут. Але забраць сертыфікат - не значыць, адразу паступіць. Са слоў Юрыя Міксюка, дырэктара РІКВ, адсотак абітурыентаў, якія набралі 70-75 балаў і вышэй, у 2019-м практычна той жа, што і ў 2018-м. Таму канкурэнцыя сярод гэтых абітурыентаў будзе тая ж, што і год таму. А вось школьнікаў з сярэднімі баламі ў сёлетняй уступнай кампаніі стала больш. Ім акурат і давядзецца сур'ёзна канкураваць паміж сабой.

Якія дакументы патрэбныя, каб забраць сертыфікат?

• дакумент, які сведчыць асобу,

• пропуск з адзнакай "Тэставанне прайшоў".

Калі пропуск згубіўся, абітурыент падае заяву на выдачу яму сертыфікату без падачы пропуску.

Ці можа хто-небудзь іншы атрымаць сертыфікат за абітурыента?

Так. Калi на ўважлiвыя прычыны ў абітурыента няма магчымасці прыйсці па сертыфікат, замест яго гэта могуць зрабіць:

- законныя прадстаўнікі непаўналетніх. Для гэтага ім давядзецца падаць дакумент, які сведчыць асобу, а таксама пацвярджае статус законнага прадстаўніка. Акрамя таго, пры сабе неабходна мець завераныя натарыяльна копіі дакумента, які сведчыць асобу абітурыента.

- прадстаўнікі абітурыентаў, якія дзейнічаюць на падставе даверанасці, заверанай натарыяльна або ўпаўнаважанай службовай асобай. Каб атрымаць сертыфікат, ім трэба падаць дакумент, які сведчыць асобу, а таксама завераныя натарыяльна копіі дакумента, які сведчыць асобу абітурыента.

Калі ВНУ пачынаюць прымаць дакументы?

Тэрміны прыёму дакументаў ад абітурыентаў-2019:

- з 12 да 17 ліпеня - ад абітурыентаў, якія паступаюць у ВНУ на бюджэт, а таксама ад тых, хто паступае на платнае, але павінен здаць унутраныя ўступныя іспыты ў ВНУ;

- з 15 лістапада да 5 снежня - для тых, хто паступае на завочную форму навучання ў ВНУ сельскагаспадарчага профілю на бюджэт і на платнае.

Абітурыенты, якія паступаюць на платнае i не здаюць уступныя іспыты, падаюць дакументы:

- з 12 да 31 ліпеня - у Акадэмію МУС, Магілёўскі інстытут МУС, Універсітэт грамадзянскай абароны МНС;

- з 12 ліпеня да 2 жніўня - у Беларускую дзяржаўную акадэмію мастацтваў, Беларускую дзяржаўную акадэмію музыкі, Беларускі дзяржаўны ўніверсітэт культуры і мастацтваў;

- з 12 ліпеня да 4 жніўня - у іншыя ВНУ.

Выпускнікі профільных класаў педагагічнай накіраванасці, якія паступаюць на педагагічныя спецыяльнасці, будуць падаваць дакументы з 12 да 14 ліпеня.

Калі здаваць іспыты пры паступленні?

Устаноўленыя наступныя тэрміны правядзення ўступных выпрабаванняў:

- з 18 да 21 ліпеня - ва ўніверсітэце грамадзянскай абароны Міністэрства надзвычайных сітуацый;

- з 18 да 26 ліпеня - у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;

- з 18 да 24 ліпеня - у іншых ВНУ;

у ВНУ сельскагаспадарчага профілю - з 18 да 25 ліпеня (вочная форма) і з 6 да 15 снежня (завочная форма).

Калі пройдзе залічэнне на бюджэт?

Залічаць на бясплатнае абітурыентаў-2019 будуць:

- да 24 ліпеня - у вайсковай акадэміі, Інстытуце памежнай службы, Універсітэце грамадзянскай абароны Міністэрства надзвычайных сітуацый;

- да 28 ліпеня - у іншых дзяржаўных ВНУ (акрамя завочнай формы);

- да 20 снежня - на завочнай форме атрымання адукацыі ў ВНУ сельскагаспадарчага профілю.

Калі пройдзе залічэнне на платнае?

Трапіць на платнае абітурыенты-2019 змогуць:

- да 2 жніўня - у Акадэміі Міністэрства ўнутраных спраў, Магілёўскім інстытуце Міністэрства ўнутраных спраў, універсітэце грамадзянскай абароны Міністэрства надзвычайных сітуацый;

- да 3 жніўня - у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;

- да 6 жніўня - у іншых ВНУ (акрамя завочнай формы атрымання адукацыі ў ВНУ сельскагаспадарчага профілю);

- да 20 снежня - на завочнай форме атрымання адукацыі ў ВНУ сельскагаспадарчага профілю.