Для некаторых беларусаў ліміт на пасылкі з-за мяжы павялічылі да 500 еўраў
8- 10.07.2019, 15:23
- 23,043
Астатнія могуць без мыты атрымліваць для асабістага карыстання пасылкі на 200 еўраў.
Ліміт на пасылкі з-за мяжы для некаторых беларусаў павялічаны да 500 еўраў. Пра гэта ў эфіры «Радыё-Мінск» распавяла начальніца сектара Галоўнай управы арганізацыі мытнага кантролю Дзяржаўнага мытнага камітэта Беларусі Кацярына Колб, паведамляе агенцтва «Мінск-Навіны».
Гаворка ідзе пра людзей, якія пакутуюць на булезны эпідэрмаліз, цукровы дыябет, фенілкетанурыю, хваробу «кляновага сіропу» (лейцыноз), парушэнне абмену тыразіну, серазмяшчальных амінакіслот, лізіну і гідраксілізіну, тлустых кіслот і іншыя тыпы парушэння абмену рэчываў амінакіслот з разгалінаваным ланцугом.
Гэта прадугледжанае пастановай савета міністраў ад 20 чэрвеня 2019 года №406 «Аб захадах рэалізацыі дамовы аб Мытным кодэксе Еўразійскага эканамічнага саюза».
Для астатніх дзейнічае штомесячны ліміт на бязмытны ўвоз тавараў для асабістага карыстання па міжнароднай пошце на 200 еўраў і 31 кг. Пры гэтым разавая норма аднаго адпраўлення: 22 еўры і 10 кг.