Як праўладны прафсаюз просіць «забяспечыць падпіску» ў сацсетках
14- 10.07.2019, 17:42
- 26,019
У Сеціва трапіў незвычайны дакумент.
У супольнасці «Чай з варэннем» з'явіўся незвычайны дакумент. Згодна з ім Беларускі прафсаюз работнікаў мясцовай прамысловасці і камунальна-бытавых прадпрыемстваў накіраваў старшыням першасных прафсаюзных арганізацый паперу з просьбай «забяспечыць рэгулярнае наведванне» суполкі прафсаюза ў Facebook, піша tut.by.
Акрамя таго, супрацоўнікаў просяць «абавязкова ставіць сваю ацэнку (лайк) і дзяліцца навінамі (рэпост)».
У дакуменце гаворыцца: «У сувязі з падрыхтоўкай пытання на прэзідыум Савета ФПБ «Аб рабоце галіновага прафсаюза і яго арганізацыйных структур у сацыяльных сетках» пераканаўчая просьба ў тэрмін да 2019.07.16 года забяспечыць падпіску на старонку Беларускага прафсаюза работнікаў мясцовай прамысловасці і камунальна-бытавых прадпрыемстваў у Facebook.
Таксама просьба забяспечыць рэгулярнае наведванне старонкі Беларускага прафсаюза работнікаў мясцовай прамысловасці і камунальна-бытавых прадпрыемстваў у Facebook.
Пры наведванні старонкі Беларускага прафсаюза работнікаў мясцовай прамысловасці і камунальна-бытавых прадпрыемстваў у Facebook абавязкова ставіць сваю ацэнку (лайк) і дзяліцца навінамі (рэпост)!
Асаблівую ўвагу надаваць навінам аб унясенні змяненняў у Працоўны кодэкс Рэспублікі Беларусь.
Цяпер на супольнасць, згаданую ў дадатку, падпісаныя 145 чалавек.
У самым прафсаюзе журналістам не змаглі аператыўна даць афіцыйны каментар. Але сакратар, а таксама галоўны спецыяліст прафсаюза ў размове пацвердзілі, што гэта сапраўдны дакумент.
На пытанне, што будзе, калі не падпісацца на супольнасць, адказалі: «Напэўна, нічога».