Якой украінцы бачаць парламенцкую кааліцыю ў Вярхоўнай Радзе

Электаральныя перавагі людзей рознага ўзросту падзяліліся.

Ва Украіне моладзь і людзі сярэдняга ўзросту аддаюць перавагу кааліцыі "Слуга народа" з "Голасам", рэспандэнты старэйшыя за 51 год хацелі б бачыць у кааліцыі "Бацькаўшчыну" ці "Сілу і гонар".

Такія вынікі апытання, праведзенага сацыялагічнай групай "Рэйтынг", паведамляе сеnsor.net.

Апытаныя хацелі б бачыць у будучай парламенцкай кааліцыі са "Слугой народа" наступныя палітычныя сілы: "Голас" - 24%, ВО "Бацькаўшчына" - 20%, "Сіла і гонар" - 18%, "Апазіцыйная платформа - За жыццё" - 17 %, "Грамадзянская пазіцыя" - 10%, "Украінская стратэгія Гройсман" - 7%, "Еўрапейская салідарнасць" - 7%, "Апазіцыйны блок" - 7%, Радыкальная партыя - 6%, ВА "Свабода" - 4%. Іншую партыю хацелі б бачыць 5%, адну з вышэйзгаданых - 8%, не змаглі адказаць - 17%.

Апытанне праводзілася сацыялагічнай групай "Рэйтынг" на замову Міжнароднага рэспубліканскага інстытута ва ўсёй Украіне (акрамя акупаваных тэрыторый Крыма і Данбаса) з 12 да 23 чэрвеня метадам асабістага інтэрв'ю дома ў рэспандэнта. Усяго было апытана 2400 жыхароў Украіны ва ўзросце 18 гадоў і старэйшых, якія маюць права галасаваць. Дапушчальная хібнасць не перасягае 2%.