28 сакавiка 2024, Чацвер, 16:54
Падтрымайце
сайт
Сім сім,
Хартыя 97!
Рубрыкі

Канстытуцыйны cуд ухваліў «закон аб адтэрміноўцы»

16
Канстытуцыйны cуд ухваліў «закон аб адтэрміноўцы»

Рэзанансны закон разглядаўся без лішніх вачэй.

Канстытуцыйны суд ухваліў закон «Аб зменах законаў у пытаннях эфектыўнага функцыянавання вайсковай арганізацыі дзяржавы», вядомы ў грамадстве як «закон аб адтэрміноўцы», паведамляе «Еўрарадыё».

«Закон паступіў у суд і быў разгледжаны. Агульны вынік: адпавядае Канстытуцыі», - распавёў намеснік кіраўніка аддзела арганізацыі судовых пасяджэнняў Канстытуцыйнага суда Сяргей Латушкін.

Рэзанансны закон, які шырока абмяркоўваўся ў грамадстве, разглядаўся падчас адкрытага пасяджэння, але ў пісьмовай форме - без лішніх вачэй. Актывістам адмовілі ў тым, каб назіраць за працэдурай.

Цяпер закон будзе перададзены на подпіс Лукашэнку. У яго ёсць 14 дзён на тое, каб або падпісаць яго, або вярнуць для разгляду ў парламент.

«Палата прадстаўнікоў» прагаласавала за праект «закона аб адтэрміноўцы» 26 і 28 чэрвеня. Перад гэтым грамадства за 10 гадзін сабрала 10 тысяч подпісаў пад петыцыяй супраць дакумента.

Закон уводзіць больш жорсткія правілы прызыву ў беларускае войска. Адтэрміноўка на атрыманне адукацыі будзе прадстаўляцца хлопцам толькі адзін раз. Калі чалавек не служыць у войску без «законных на тое падставаў», яго не возьмуць на дзяржаўную службу і ў некаторыя сілавыя структуры. «Ухілістам» будзе абмяжоўвацца выезд з Беларусі. А, мабыць, адзінае з новаўвядзенняў, якое выглядае як станоўчая матывацыя для службы ў войску, - гэты час будзе залічаны як праца па размеркаванні.

Напісаць каментар 16

Таксама сачыце за акаўнтамі Charter97.org у сацыяльных сетках