20 лiпеня 2019, Субота, 4:53
Мы ў адной лодцы
Рубрыкі

Рэакцыя ДАІ на парушэнні Лукашэнкі і іхніх калегаў здзіўляе кіроўцаў

8

Яшчэ адна беларуска атрымала дзіўны ліст.

На днях у рэдакцыю ABW.BY звярнулася аўтаўладальніца з Берасця Аляксандра: паглядзіце, маўляў, што я атрымала ў адказ з ДАІ на сваю заяву.

Змест ліста ў сваёй сутнасці нагадвае тое, што прыйшло гамяльчаніну Паўлу на заяву пра парушэнне ПДР Лукашэнкам і ягонымі падначаленымі. Той адказ – на фота ніжэй (а саму гісторыю можна прачытаць тут):

І Паўлу, і Аляксандры, а заадно і нам усім застаецца меркаваць: якую ж пастанову прыняла ДАІ і ці прыняла ўвогуле? Ясна выказацца ў абодвух выпадках праваахоўныя органы не ўважалі патрэбным. Падобна на тое, гэта ўжо тэндэнцыя.

Коратка сутнасць заявы, якая была пададзеная ў ДАІ Берасця, такая.

9 чэрвеня, праязджаючы па вуліцы Мянжынскага ў Берасці з сям'ёй, Аляксандра ўбачыла, што інспектар ДАІ ў цывільным аўтамабілі з мігцелкай змушае да адказнасці раварыста. Пры гэтым інспектар прыпаркаваўся вельмі небяспечна для іншых.

"Афармленне дакументаў менавіта ў гэтым месцы ўскладніла рух ТС на дадзеным участку, а таксама значна пагоршыла агляд кіроўцам, якія рухаюцца ў спадарожным напрамку, прымусіўшы іх аб'язджаць МС аператыўнага прызначэння, выязджаючы на сустрэчную паласу руху..." – адзначыла ў заяве жанчына.

Вось відэа:

Кіроўца мяркуе, што інспектар парушыў п.25 часткі 6 ПДР. Адступаць ад патрабаванняў п.143.4 часткі 19 ПДР РБ ён мог толькі пры ўмове гарантавання бяспекі руху. Накіроўваючы заяву кіраўніцтву ДАІ Берасцейскай вобласці, Аляксандра прасіла правесці службовую праверку паводле гэтага факту, даць ацэнку дзеянням інспектара пры вядзенні адміністрацыйнага працэсу, змусіць інспектара да адказнасці. Відэазапіс яна прыклала на дыску.

Вось заява:

І адказ ДАІ:

"Цікава наступнае: сам адказ ні пра што не кажа, бо кампетэнтныя людзі разумеюць, што пастановы могуць быць рознымі, у тым ліку і пра адсутнасць складу парушэння, – каментуе Аляксандра. – Думаю, што такія адказы, менавіта з такім жа шаблонам, адпраўляюць грамадзянам, якія заявілі, да прыкладу, пра аўтамабіль, які стаіць на газоне. І ў выніку атрымліваюць стандартны адказ. Як у такім выпадку грамадзяне могуць быць упэўненыя, што ў ДАІ праверку правялі? І да якіх высноваў гэтая праверка прыйшла?"

У адпаведнасці з арт.18 Закона Рэспублікі Беларусь "Аб зваротах грамадзянаў і юрыдычных асобаў" пісьмовыя адказы на пісьмовыя звароты павінны быць абгрунтаваныя і матываваныя (пры неабходнасці – са спасылкамі на нормы актаў заканадаўства), а таксама ўтрымліваць канкрэтныя фармулёўкі.

Пісьмовыя звароты ўважаюцца разгледжанымі ў сутнасці, калі разгледжаныя ўсе выкладзеныя ў іх пытанні, а заяўнікам накіраваныя пісьмовыя адказы (арт.14 Закона).