Леанід Заіка - чыноўнікам: «Лексусаў-шмексусаў» больш не будзе

Эканаміст адказаў на заяву Сямашкі аб падатковым манеўры.

У інтэрв'ю «Комсомольской правде» амбасадар Беларусі ў РФ Уладзімір Сямашка заявіў, што Беларусь не пражыве без кампенсацыі за падатковы манеўр ад Расеі.

Кіраўнік аналітычнага цэнтра «Стратэгія» Леанід Заіка адказаў на выказванне пасла Беларусі ў РФ у эфіры «Прымус»:

«Усю гэтую ахінею я слухаў за межамі Беларусі з адной думкай: хлопцы, вы там у здаровым розуме? Вы сабе аддаяце справаздачу ў тым, хто вы, што вы і пачым вы? Калі Сямашка нешта кажа пра тое, што мы не пражывем, то гэта ён не пражыве. Мы пражывем. Хлопцы, кажуць пра сябе. Я за сябе спакойны. Я пражыву і без нафты. Беларусі патрэбныя сем мільёнаў тон нафты. А вы хочаце 22 мільёны?! Навошта? Каб далей сядзець на гэтай наркатычнай іголцы.

Хлопцы, пара ў клініку. Пара прайсці абследаванне на стан псіхікі. Гэта што такое, сапраўды? «Мы не выжывем без вашай нафты». Пара ў адстаўку, як было ў часы ЦК КПСС. «З удзячнасцю». Мы яшчэ смяяліся, што хто дзякуе: чалавек, якога адправілі або партыя.

А чаго вы так да Расеі прывязаліся? Чаму вы так яе даймаеце. Я ўважліва сачу, Пуцін даўно прапанаваў прадаваць Беларусі сем мільёнаў тон нафты расейскім коштам. Ён выдатна разумее, вось, для ўнутранага спажывання, расейскім коштам. А астатняе? Хлопцы, вы тут губу раскаталі, хочаце нажыцца, каб наменклатура купляла лексусы-шмексусы. Не, хлопцы, такога ўжо не будзе», - заявіў Леанід Заіка.