Спецслужбы Расеі «зліваюць» адна адну

У найбліжэйшы час чакаецца феерычнае відовішча.

Адчуваю, у найбліжэйшы час нас з вамі будзе чакаць феерычнае відовішча, пра якое загадзя папярэджваюць не толькі афіцыйныя, але і неафіцыйныя інфармацыйныя пляцоўкі расейскіх сілавікоў. Але пра ўсё па парадку, піша ўкраінскі блогер Злы адэсіт.

Так, праз расейскія навінавыя пляцоўкі пачалося распаўсюджванне наратыву пра тое, што Заходнія спецслужбы рыхтуюць нібыта "фэйкавую" атаку на кіраўніцтва РФ. Паводле інфармацыі расейскіх журналістаў (ну вы зразумелі), укід рыхтуецца спецслужбамі Вялікай Брытаніі і ЗША, а гаворка ў іх будзе ісці пра асобаў з найбліжэйшага атачэння прэзідэнта РФ і кіраўніцтва Мінабароны.

Вынікам гэтай хвалі стане ўвядзенне новых антырасейскіх санкцый. Дарэчы сказаць, самы жорсткі пакет санкцыяў чацвёрты раз штурмуе сцены Капітолія.

Але што самае цікава, гэта праз каго будзе ажыццяўляцца зліў, а менавіта праз "Праект у расследаванні карупцыі і арганізаванай злачыннасці" (OCCRP) і "Міжнародны кансорцыум журналісцкіх расследаванняў" (ICIJ), а таксама выданні "Радыё Свабода", "Настоящее время", OCCRP і іншыя.

І вось тут мяне трохі ступарнула. "Радыё Свабода", "Настоящее время"? Сур'ёзна? СМІ, у якіх адна з самых высокіх канцэнтрацый афіляванасці журналісцкага складу расейскімі сілавымі структурамі?

Між тым паралельна з гэтай заварушкай выкрываецца вельмі цікавая дэталь іншай драмы, а менавіта, у банку "Металург", які кантраляваўся ГРУ і які абчысцілі спецназаўцы ФСБ, працаваў левы абменнік, з абменам $ 5–10 млн.

Пасля таго як фэсаў злілі, на Лубянцы была прынятая пастанова адправіць калегам на Грызадубавай адказ і ў СМІ былі злітыя перамовы паміж італьянскімі палітыкамі і грушнікамі ў гатэлі Метраполь, якія знаходзяцца ў вядзенні ФСБ. Але відавочна, зліў скандальнай палітычнай інфармацыі толькі гэтым не абмежаваўся. Інакш з чаго так рэзка сталі панікаваць расейскія СМІ менавіта ў гэты прамежак часу.

А таму анонс і напраўду трымае ў напружанні і сезон зліваў абяцае быць вельмі захапляльным!