19 жнiўня 2019, панядзелак, 7:57
Мы ў адной лодцы
Рубрыкі

Жана-Поля Бельмандо ўзнагародзілі ордэнам Ганаровага легіёна

5
Жана-Поля Бельмандо ўзнагародзілі ордэнам Ганаровага легіёна
ЖАН-ПОЛЬ БЕЛЬМАНДО

Прызначаны таксама новы камандор ордэна.

Актор Жан-Поль Бельмандо, касманаўт Тама Песке і кампазітар Жан-Мішэль Жар уганараваныя галоўнай узнагароды Францыі – ордэнам Ганаровага легіёна. Спісы ўзнагароджаных апублікаваныя ў нядзелю ў афіцыйным весніку Journal Officiel. Усяго лаўрэатамі розных ступеняў ордэна сталі 423 чалавекі.

Паводле спісу, пададзенага Міністэрствам культуры, Жан-Поль Бельмандо і акторка Клаўдыя Кардынале ўганараваныя высокім званнем найвышэйшага афіцэра. Аўтар знакамітай на ўвесь свет электроннай музыкі Жан-Мішэль Жар стаў камандорам ордэна, а балерына і харэограф Мары-Клод Петрагала – афіцэркай.

Узнагародай адзначаныя і былыя ўдзельнікі Руху Супраціву: найвышэйшую ступень узнагароды, Вялікі крыж, атрымала Жаклін Флёры. Яна ўзначальвае Асацыяцыю дэпартаваных і інтэрнаваных байцоў Руху Супраціўлення, вядзе актыўную працу ў барацьбе з расізмам. Аналагічна ўзнагароджаны і яшчэ адзін змагар супраць нацызму – Жан Налі, які ратаваў габрэяў ад канцлагераў у гады акупацыі.

Адзначаныя і тыя, хто вядзе барацьбу супраць тэрарызму. Кавалерамі ордэна сталі муніцыпальны паліцыянт і адзін з грамадзянаў Страсбурга. У снежні 2018 года яны ўступілі ў проціборства з узброеным тэрарыстам, ад рук якога загінулі пяць чалавек, 11 былі параненыя. Ордэн ступені найвышэйшай афіцэра атрымала Франсуаза Рудэцкі, стваральніца арганізацыі дапамогі ахвярам тэрору SOS Attentats.

Астранаўт Еўрапейскага касмічнага агенцтва Тама Песке стаў рыцарам ордэна за «асаблівыя заслугі перад Бацькаўшчынай». Песке, дзясяты астранаўт краіны, – вельмі папулярная асоба ў Францыі. Ён вядзе вялікую працу ў прапагандзе касманаўтыкі, абароне навакольнага асяродку. У гэтую нядзелю, як і летась, ён у якасці другога пілота самалёта ўдзельнічае ў Парыжы ў вайсковым парадзе ў гонар Нацыянальнага свята.

Ордэн Ганаровага легіёна заснаваны Напалеонам Банапартам у 1802 годзе. Найвышэйшая ўзнагарода Францыі мае пяць ступеняў: дзве найвышэйшыя (кавалер Вялікага крыжа і найвышэйшага афіцэра), за якімі ідуць ступені камандора, афіцэра і рыцара. Узнагароджанні за выключэннем асаблівых выпадкаў праводзяцца ад пачатковай ступені да найвышэйшай, захоўваючы прасоўванне па ўсіх прыступках. Спісы ўзнагароджаных публікуюцца тры разы на год: 1 студзеня, на Вялікдзень і ў дзень Нацыянальнага свята 14 ліпеня.