Пампеа заклікаў усе краіны разам супрацьстаяць рэжыму Мадуры
1- 14.07.2019, 13:55
- 6,683
Узурпатар павінен быць змушаны да адказнасці.
Дзяржаўны сакратар ЗША Майк Пампеа заклікаў міжнародную супольнасць да аб'яднання ў барацьбе з рэжымам Нікаласа Мадуры. Пра гэта ён напісаў у Twitter, паведамляе gordonua.com.
"Управа вярхоўнага камісара ААН у правах чалавека паведамляе, што сілы бяспекі рэжыму Мадуры нясуць адказнасць за гібель прынамсі 6800 чалавек за апошнія 18 месяцаў. Гэта павінна спыніцца. Мы заклікаем усе краіны разам супрацьстаяць рэжыму Мадуры. Вінаватыя ў гэтым павінны быць змушаныя да адказнасці", – сказана ў твіце.
.@UNHumanRights reports former Maduro regime security forces are responsible for the deaths of at least 6,800 people over past 18 months. This must stop. We call on all nations to stand together against the former Maduro regime. Those responsible must be held accountable.
— Secretary Pompeo (@SecPompeo) July 13, 2019
У Венесуэле доўжыцца палітычны крызіс. 10 студзеня 2019 года Мадура, які ўзначальвае краіну з 2013 года і набраў больш за ўсіх галасоў на выбарах 2018 года, прынёс прэзідэнцкую прысягу. 15 студзеня падкантрольны апазіцыі парламент прызнаў Мадуру ўзурпатарам.
23 студзеня кіраўнік парламента, апазіцыянер Хуан Гуайдо абвесціў сябе выканаўцам абавязкаў прэзідэнта краіны.
ЗША, большасць краінаў Лацінскай Амерыкі і Еўразвязу прызналі Гуайдо часовым прэзідэнтам, Расея падтрымала Мадуру. У Дзярждэпартаменце ЗША заявілі, што Мадура павінен сысці ў адстаўку.
У дакладзе Управы вярхоўнага камісара ААН у правах чалавека, апублікаваным 4 ліпеня, паведамляецца, што ў Венесуэле са студзеня 2018 года да траўня 2019 года падчас аперацый спецназа былі забітыя тысячы грамадзянаў нібыта за "супраціў уладзе".
