Фотафакт: На ўзбярэжжа ЗША абрынуўся магутны ўраган

Яго наступствы ў 10 уражальных фотаздымках.

13-14 ліпеня на Мексіканскі заліў і ўзбярэжжа ЗША абрынуўся трапічны шторм «Бары», які хутка набраў сілу ўрагану першай катэгорыі, піша «Новое время».

Гэта першы ўраган ў Атлантыцы ў 2019 годзе. Найбольшую шкоду стыхія прычыніла прыбярэжнаму амерыканскаму штату Луізіяна. З набліжэннем урагану прэзідэнт ЗША Дональд Трамп абвясціў тут надзвычайнае становішча. Тысячы людзей эвакуявалі з найбольш небяспечных раёнаў, якім пагражала затапленне праз моцныя ліўні і выхад з берагоў ракі Місісіпі.

Жыхароў Луізіяны таксама заклікалі запасціся прадуктамі, вадой і іншымі прадметамі першай неабходнасці.

У выніку ўраганны вецер, залевы і падтапленні прычынілі істотную шкоду нізінным раёнам штата - шматлікія дарогі і масты выявіліся заблакаванымі, блізу 150 тысяч чалавек у некалькіх гарадах засталіся без электраэнэргіі, вецер зносіў дахі дамоў і зруйнаваў іншыя пабудовы.

У той жа час найгоршыя прагнозы для найбуйнейшага горада Луізіяны - Новага Арлеана - не апраўдаліся, паведамляе CNN. Гораду ўдалося пазбегнуць катастрафічнай паводкі. Да 15 ліпеня ўраган «Бары» зноў аслабеў да шторму і рухаецца ў бок штатаў Арканзас і Тэнэсі.

Журналісты сабралі 10 самых уражальных кадраў, якія адлюстроўваюць наступствы ўрагану «Бары».

1. Жыхар горада Мандэвіля (штат Луізіяна) прабіраецца затопленымі вуліцамі пасля таго, як ураган «Бары» абрынуўся на рэгіён.

2. Наступствы разбуральнага ўдару стыхіі ў горадзе Батан-Руж, сталіцы штата Луізіяна.

3. Ураган «Бары» набліжаецца да амерыканскага ўзбярэжжа.

4. Жыхары Мандэвіля (штат Луізіяна) на затопленых вуліцах горада.

5. Жыхар прыходу (акругі) Плакемінс у штаце Луізіяна спрабуе дабрацца да свайго дома.

6. Ачыстка дарог ад наступстваў урагану ў штаце Луізіяна.

7. Уладальніца кавярні ў Мандэвілі (штат Луізіяна) рыхтуецца прыводзіць у парадак сваю ўстанову.

8. Наступствы ўрагану ў ваколіцах горада Батан-Руж, сталіцы Луізіяны.

9. Вайсковая тэхніка дапамагае ліквідаваць наступствы ўрагану ў прыходзе (акрузе) Плакемінс, штат Луізіяна.

10. Турысты ў Новым Арлеане падчас залевы, справакаванай ураганам «Бары».