Удзельнікі «смеццевага пратэсту» перацялі Маскоўскае вялікае кола
4- 15.07.2019, 19:20
- 14,682
Жыхары Арэхава-Зуева пратэстуюць супраць высечкі лесу для будаўніцтва смеццевага палігона.
Актывісты, якія выступаюць супраць высечкі лесу дзеля будаўніцтва смеццевага палігону паблізу падмаскоўнага горада Лікіна-Дулёва, у панядзелак, 15 ліпеня, перацялі трасу А108 (Ягор’еўская шаша) ля вёскі Слабадзішча, паведамляе DW.
Як піша інфармагенцтва "Інтэрфакс", блізу сотні мясцовых жыхароў сабраліся ў лесе, каб перашкодзіць яго высечцы. Некалькі актывістаў былі затрыманыя паліцыяй.
У той жа час на відэа, апублікаваным у Telegram-канале журналістаў праекта Baza, відаць, як людзі ў форме "Расгвардыі" б'юць мясцовых жыхароў дубінкамі. Паводле інфармацыі журналістаў Baza, у адной з удзельніц мітынгу, Святланы Каравай, лекары дыягнаставалі траўму галавы і удар шыі.
В Орехово-Зуевском районе Мособласти бойцы Росгвардии жёстко разогнали митинг против свалки.
— baza (@bazabazon) July 15, 2019
Активисты сообщают о том, что у их сторонницы Светланы Каревой – перелом позвоночника. Врачи это пока не подтвердили – у Каревой диагностировали травму головы и ушиб шеи. pic.twitter.com/jsUZNTqWnc
У ЖКГ Падмаскоўя высечку лесу тлумачаць супрацьпажарнымі захадамі
Рэагуючы на паведамленні пра пратэсты, у міністэрстве ЖКГ Падмаскоўя заявілі, што канчатковая пастанова аб будаўніцтве палігона пакуль не прынятая, а высечка лесу паблізу Лікіна-Дулёва праводзілася для стварэння супрацьпажарнай прасекі.
Пратэсты мясцовых жыхароў супраць магчымага будаўніцтва смеццевага палігона ў іх раёне ідуць ужо некалькі тыдняў. У сярэдзіне чэрвеня 2019 году актывісты ўжо перацялі Ягор’еўскую шашу на знак пратэсту супраць высечкі лесу, якая, на іх думку, вялася дзеля падрыхтоўкі месца для будаўніцтва палігона.
Пратэсты супраць смеццевага палігона ў Арэхаве-Зуеве
Размовы пра тое, што паблізу Арэхава-Зуева плануецца пабудова буйнога смеццевага палігона, пачаліся некалькі гадоў таму. Аднак асабліва актыўна гэтую тэму пачалі абмяркоўваць летам 2017 года, пасля таго, як прэзідэнт Расеі Уладзімір Пуцін падчас "жывой лініі" аддаў загад закрыць размешчаныя ў Балашысе смеццевы палігон "Кучына", на якім дагэтуль, з інфармацыі "Новай газеты", перапрацоўвалася да 80 адсоткаў сталічных адходаў.
Тады ж у СМІ з'явілася інфармацыя аб тым, што губернатар Падмаскоўя Андрэй Вараб'ёў збіраецца пабудаваць новы смеццевы палігон у Арэхаве-Зуеве.
Планы будаўніцтва смеццевага палігона паблізу радзільні
Першапачаткова планавалася, што смеццеперапрацоўчы палігон будзе пабудаваны каля пасёлка Прыгарадны, які знаходзіцца побач з горадам Арэхава-Зуева. У выпадку рэалізацыі праекту, смеццевы завод апынуўся б у непасрэднай блізкасці ад Арэхава-Зуеўскай радзільні.
Даведаўшыся пра гэта, жыхары горада арганізавалі шэраг акцый пратэсту супраць планаў будаўніцтва. Пасля шматлікіх зваротаў жыхароў горада губернатар маскоўскай вобласці Вараб'ёў паабяцаў у канцы чэрвеня 2017 года, што для будаўніцтва палігона будзе абранае іншае месца.
У траўні 2018 гадоў у Арэхава-Зуеўскім раёне прайшлі аналагічныя акцыі пратэсту супраць будаўніцтва сметнішча каля вёскі Аляксееўская паселішча Сабалеўскае.
Жывы ланцуг паблізу вёскі Старава
У сакавіку 2019 года жыхары горада Лікіна-Дулёва, які раней які ўваходзіў у Арэхава-Зуеўскі раён, сталі ў жывы ланцуг, каб не пусціць на тэрыторыю лесу каля вёскі Старава супрацоўнікаў кампаніі "Хартыя", якія, на думку мясцовых жыхароў, збіраліся падрыхтаваць месца для будаўніцтва смеццевага палігона ў лесе.
Згодна з праграмай "Экалогія і навакольнае асяроддзе Падмаскоўя на 2017-2026 гады", на тэрыторыі Маскоўскай вобласці штогод хаваюць блізу 11,1 млн тон цвёрдых камунальных адыходаў (ТКА), што складае 20 адсоткаў усіх утвораных у Расеі ТКА.
У 2018 годзе ў Расеі пракацілася цэлая хваля так званых "смеццевых пратэстаў". У іх удзельнічалі і жыхары падмаскоўных гарадоў Валакаламск і Каломна.
