Гурэнка пра «Зеніт» - «Дынама»: Адпаведныя органы і структуры павінны разабрацца
3- 15.07.2019, 19:56
- 12,870
Галоўны трэнер менскага «Дынама распавёў пра паразу ад «Зеніта» (1:8) у мінулым розыгрышы Лігі Еўропы.
Галоўны трэнер менскага «Дынама» Сяргей Гурэнка распавёў пра паразу ад «Зеніта» (1:8) у мінулым розыгрышы Лігі Еўропы.
- Мінуў час, можаце сказаць, што гэта было - 1:8 у Піцеры пасля 4:0 ў Менску?
- Для мяне самым дзіўным было тое, што да «Зеніта» ў нас вельмі доўга не было матчу, у якім хлопцы не выканалі б устаноўку. Мы за год саступілі ўсяго тры разы - двойчы БАТЭ і адразу пасля «Зеніта» - «Гарадзеі». Але нават у гэтых сустрэчах вытрымлівалі структуру гульні. А ў Піцеры разваліліся з першых хвілін. Мяне зачапіла толькі гэтае пытанне.
- Знайшлі на яго адказ?
- Калі б пачаў у гэтым капацца, страціў бы каманду. Нас не было б ні ў прызёрах, ні ў еўракубках.
- Мяркуючы з вашых слоў, пакапацца было ў чым.
- Ёсць адпаведныя органы і структуры. Калі ім гэта трэба - павінны разабрацца, я мяркую. У мяне няма такога рэсурсу.
- Камусьці спавядаліся пасля жудаснай паразы?
- Унутры сябе пераварыў. І нават гульню ні разу не пераглядаў. Нікога не хачу вінаваціць, я і пра «Газпрам» - сказаў пасля матча ў тым жа плане, што ў «Зеніта» магчымасці вышэйшыя, а не ў тым, у якім многія падумалі. Проста засталося пытанне, на якое ў мяне няма адказу.
- Вы ж і самі, чуў, трапілі пад падазрэнне тагачаснага прэзідэнта клуба Чыжа?
- Сказаў адразу: гатовы да ўсялякіх праверак і дэтэктараў, мне няма чаго хаваць, - цытуе Гурэнка sportbox са спасылкай на «МАТЧ ТВ».