23 жнiўня 2019, Пятніца, 6:23
Мы ў адной лодцы
Рубрыкі

На заметку аўтаўладальнікам: што рабіць калі нумар аўто стаў незаўважным?

18
На заметку аўтаўладальнікам: што рабіць калі нумар аўто стаў незаўважным?
Фота: onliner.by

Парады, як пазбегнуць штрафу.

У рэдакцыю «Медиа-Полесья» звярнуліся аўтаўладальнікі з праблемай: на аўтамабільных нумарах знікае фарба. Як паступаць у такой сітуацыі, каб пазбегнуць штрафу. У тонкасцях пытання разбіраліся журналісты.

Як распавёў намеснік начальніка МРЭА ДАІ Пінскага ГАУС Дзмітрый Сінюціч, згодна з пунктам 10.3 ПДР кіроўцу забараняецца ўдзельнічаць у дарожным руху на транспартным сродку з забруджваннямі (наслаеннямі), якія абмяжоўваюць агляднасць дарогі, а таксама не дазваляюць бачыць інфармацыю на рэгістрацыйным знаку з адлегласці 40 метраў і менш. Парушэнне цягне адміністрацыйную адказнасць у выглядзе папярэджання або штрафу ў суме да дзвюх базавых адзінак.

- Што рабіць кіроўцам, калі на аўтамабільных нумарах сцерлася фарба?

- Аўтаўладальнікі могуць звярнуцца ў МРЭА ДАІ па замену рэгістрацыйных знакаў. У такім выпадку трэба будзе мяняць сертыфікат і тэхпашпарт на транспартны сродак.

- Калі ўладальнік не хоча мяняць нумары?

- Ці можна звярнуцца ў Паліграфічны цэнтр МУС Рэспублікі Беларусь (Менск, вул. Грушаўская, 7в - заўв.) па замену непрыдатных рэгістрацыйных знакаў транспартных сродкаў.

- Што патрэбнае для замены?

- Нават, калі Вам трэба замяніць адзін рэгістрацыйны знак, з сабой трэба ўзяць абодва (!) нумары, пасведчанне аб рэгістрацыі транспартнага сродку (тэхнічны пашпарт), дакумент, які сведчыць асобу (пашпарт), або пасведчанне кіроўцы, квітанцыю аб аплаце.

Паводле інфармацыі, размешчанай на сайце МУС, на сёння замена аднаго рэгістрацыйнага знака для фізічных асоб каштуе 20 рублёў, камплекты нумароў - 30 рублёў.

Для юрыдычных асоб - 32 і 44 рублі адпаведна.

У МРЭА ДАІ вы можаце падабраць нумар жаданай камбінацыі лічбаў і літар. Кошт паслугі - 255 рублёў.

Можна замовіць выраб нумароў у індывідуальным парадку за 1,530 рубля.